ສູນບໍລິຫານລັດດິຈິຕອນ ໄດ້ຮັບລາງວັນ ASOCIO Tech Excellence Award ປະຈຳປີ 2022

28/10/2022

ສູນບໍລິຫານລັດດິຈິຕອນ ໄດ້ຮັບລາງວັນ ASOCIO Tech Excellence Award ປະຈຳປີ 2022

     ສູນບໍລິຫານລັດດິຈິຕອນ, ກະຊວງ ເຕັກໂນໂລຊີ ແລະ ການສື່ສານ ຕາງໜ້າໂດຍ ທ່ານ ປອ.ທະວີສັກ ມະໂນທັມ, ຫົວໜ້າສູນບໍລິຫານລັດດິຈິຕອນ ໄດ້ຂື້ນຮັບລາງວັນ ASOCIO Tech Excellence Award ປະຈຳປີ 2022, ໃນ ໝວດ ລັດຖະບານດິຈິຕອນ (ASOCIO Digital Government Award) ເຊິ່ງລາງວັນດັ່ງກ່າວແມ່ນການຄັດເລືອກຂອງບັນດາປະເທດສະມາຊິກຂອງ ສະມາຄົມ ASOCIO (Asian-Oceanian Computing Industry Organization) ທີ່ປະກອບມີ ຕົວແທນ ຈາກສະມາຄົມ ໄອຊີທີ ຂອງ 24 ປະເທດ ໃນເຂດອາຊີ-ປາຊິຟິກ ໂດຍຜ່ານການນຳສະເໜີຈາກບັນດາຕົວແທນດັ່ງກ່າວ, ເຊິ່ງທາງສະມາຄົມ ASOCIO ໄດ້ຈັດພິທີມອບລາງວັນດັ່ງກ່າວ ຂື້ນໃນຕອນຄ່ຳຂອງ ວັນທີ 28 ຕຸລາ 2022 ທີ່ປະເທດສິງກະໂປ ພ້ອມກັບການຈັດກອງປະຊຸມເສວະນາໃນຫົວຂໍ້ Digital Trust Forum ແລະ ໄດ້ເຊີນເຈົ້າຂອງຜະລິດຕະພັນທີ່ໄດ້ຮັບລາງວັນເຂົ້າຮ່ວມພິທີດັ່ງກ່າວ.

ໃນປີ 2022 ນີ້, ສະມາຄົມ ASOCIO ໄດ້ຈັດງານປະກວດ ໃນຫົວຂໍ້ ASOCIO Tech Excellence Award ປະຈຳປີ 2022 ປະກອບມີ 8 ໝວດລາງວັນ ຄື:

  1. ລາງວັນ ບໍລິສັດ ເຕັກໂນໂລຊີດີເດັ່ນ (ASOCIO Outstanding Tech Company Award)
  2. ລາງວັນ ອົງກອນຜູ້ໃຊ້ ດີເດັ່ນ (ASOCIO Outstanding User Organization Award)
  3. ລາງວັນ ລັດຖະບານດິຈິຕອນ (ASOCIO Digital Government Award)
  4. ລາງວັນ ເຕັກໂນໂລຊີການສືກສາ (ASOCIO EdTech Award)
  5. ລາງວັນ ເຕັກໂນໂລຊີ ສາທາລະນາສຸກ (ASOCIO HealthTech Award)
  6. ລາງວັນ ລະບົບຄວາມປອດໄພທາງໄຊເບີ (ASOCIO Cybersecurity Award
  7. ລາງວັນ ສິ່ງແວດລ້ອມ, ສັງຄົມ ແລະລັດຖະບານ (ASOCIO Environmental, Social & Governance Award)
  8. ລາງວັນ ສະຕາດອັບ (ASOCIO Start-Up Award)

     ການໄດ້ຮັບລາງວັນດັ່ງກ່າວ ແມ່ນມີຄວາມໝາຍ ຄວາມສຳຄັນຫຼາຍ ສະແດງໃຫ້ເຫັນເຖິງຜົນງານຂອງກະຊວງ ເຕັກໂນໂລຊີ ແລະ ການສື່ສານ ກໍ່ຄື ສູນບໍລິຫານລັດດິຈິຕອນ ໃນການປະກອບສ່ວນສະໜອງບັນດາລະບົບ ແລະ ພລັດຟອມ ຮັບໃຊ້ໃຫ້ແກ່ພາກລັດ ແລະ ອົງການຈັດຕັ້ງທຽບເທົ່າຕ່າງໆ ເພື່ອເຮັດໃຫ້ການບໍລິຫານວຽກງານ ແລະ ການບໍລິການ ຂອງພາກລັດເປັນທັນສະໄໝ, ມີປະສິດທິຜົນສູງ, ມີຄວາມສະດວກ, ວ່ອງໄວ, ປອດໄພ, ໂປ່ງໃສ ແລະ ປະຢັດ.

 

ຂ່າວໂດຍ:ສລດ

 

V

 

ວາ​ລະ​ສານ ໄອ​ຊີ​ທີ
ໜັງສືພິມ
ໜັງສືເຊີນເຂົ້າຮ່ວມປະມູນ ການຈັດຊື້ລະບົບ ສື່ສານພາກລັດ
ໜັງສືແຈ້ງເຊີນປະມູນ