2022/05/25 ສູນບໍລິຫານລັດ ດິຈິຕອນ, ກະຊວງເຕັກໂນໂລຊີ ແລະ ການສື່ສານ ລົງຝຶກອົບຮົມການນຳໃຊ້ລະບົບຈັດເກັບ ແລະ ນຳໃຊ້ເອກະສານຮ່ວມກັນຂອງພາກລັດ (G-Share, G-Drive) ແລະ ລະບົບແຊັດຂອງພາກລັດ(G-Chat) ໃຫ້ ແກ່ ກະຊວງ ຍຸຕິທຳ

25/05/2022

2022/05/25 ສູນບໍລິຫານລັດ ດິຈິຕອນ, ກະຊວງເຕັກໂນໂລຊີ ແລະ ການສື່ສານ ລົງຝຶກອົບຮົມການນຳໃຊ້ລະບົບຈັດເກັບ ແລະ ນຳໃຊ້ເອກະສານຮ່ວມກັນຂອງພາກລັດ  (G-Share, G-Drive) ແລະ ລະບົບແຊັດຂອງພາກລັດ(G-Chat) ໃຫ້ ແກ່ ກະຊວງ ຍຸຕິທຳ

      ໃນຕອນບ່າຍວັນທີ 25 ພຶດສະພາ 2022, ສູນບໍລິຫານລັດດິຈິຕອນ, ກະຊວງ ເຕັກໂນໂລຊີ ແລະ ການສື່ສານ ໄດ້ຈັດຝຶກອົບຮົມການຕິດຕັ້ງ, ນຳໃຊ້ລະບົບການຈັດເກັບ ແລະ ນຳໃຊ້ເອກະສານຮ່ວມກັນ(G-Share, G-Drive)  ແລະ ລະບົບແຊັດຂອງພາກລັດ(G-Chat) ຂອງພາກລັດໃຫ້ແກ່ກະຊວງ ຍຸຕິທຳ ພາຍໃຕ້ການເປັນປະທານຂອງທ່ານ ທ່ານ ແສງພະຈັນ ວົງໂພທອງ ຮອງຫົວໜ້າຫ້ອງການ,   ແລະ ມີຜູ້ເຂົ້າຮ່ວມຈາກ 11 ກົມ/ທຽບເທົ່າ, ຈຳນວນທັ້ງໝົດ 46 ທ່ານ ແລະ ຜູ້ເຂົ້າຮ່ວມຈາກ ສູນ ສລດ, ກະຊວງ ເຕັກໂນໂລຊີ ແລະ ການສື່ສານ ຈຳນວນ 05 ທ່ານ.


      ການ​ຝຶກ​ອົບ​ຮົມ​ໃນ​ຄັ້ງ​ນີ້ ເພື່ອ​ຍົກ​ລ​ະ​ດັບ​ຄວາມ​ຮູ້​ຄວາມ​ສາ​ມາດ ​ໃນການນຳໃຊ້ລະບົບ G-Share/G-Drive ຂອງພາລັດ, ໃນການຈັດການບັນດາຂໍ້ມູນດ້ານຕ່າງໆ ທີ່ໃຊ້ເຂົ້າໃນວຽກງານ ໂດຍສະເພາະແມ່ນເອກະສານ ຜ່ານລະບົບ Cloud ຍົກສູງຄວາມສາມາດໃນການໝູນໃຊ້ລະບົບ G-Share/G-Drive   ແລະ ລະບົບແຊັດຂອງພາກລັດ(G-Chat) ເຂົ້າໃນການປະຕິບັດວຽກງານຢ່າງມີປະສິດທິພາບ, ຫຼຸດຜ່ອນຂັ້ນຕອນການດຳເນີນການ, ປະຢັດເວລາ ແລະ ເອກະສານຊຳ້ຊ້ອນ ໃຫ້ໄດ້ຮັບໝາກຜົນສູງສຸດ.

    ໃນການ​ຝຶກ​ອົບ​ຮົມໃນຄັ້ງນີ້ ແມ່ນໄດ້ແນະນຳກ່ຽວກັບ ການສ້າງ, ອັບໂຫຼດ ແລະ ຈັດການຟາຍ (File), ການແບ່ງປັນຂໍ້ມູນໃຫ້ກັບບຸກຄົນອື່ນດ້ວຍຮູບແບບຕ່າງໆ ແລະ ການແກ້ໄຂເອກະສານຮ່ວມກັນ, ນອກນັ້ນ ຍັງໄດ້ຍົກຕົວຢ່າງການນຳໃຊ້ເຂົ້າໃນວຽກງານຕົວຈິງ ເພື່ອເປັນແນວທາງໃນການນຳໄປວາງແຜນ ເຊິ່ງສາມາດປັບເຂົ້າໃນລະບົບການເຮັດວຽກຂອງແຕ່ລະພາກສ່ວນເພື່ອການຫັນເປັນທັນສະໄໝໃຫ້ແກ່ບັນດານັກສຳມະນາກອນອີກດ້ວຍ.

 

ນຄຳຄິດເຫັນ ຊຶ່ງດໍາເນີນໄປດ້ວຍບັນຍາກາດ​ຟົດ​ຟື້ນ, ໄດ້ມີການຕັ້ງຄຳຖາມ-ຕອບ ປຶກສາຫາລື ບັນຫາຕ່າງໆ ທີ່ກ່ຽວຂ້ອງເຖິງການນໍາໃຊ້ ແລະ ພັດທະນາ ລະບົບ G-Share/G-Drive, ລະບົບ G-Chat ແລະ ລະບົບ ເມວ gov.la ຂອງພາກລັດ  ທີ່ໜ້າສົນໃຈ ແລະ ເປັນປະໂຫຍດໃນການພັດທະນາ ແລະ ປັບປຸງລະບົບ ໃຫ້ສາມາດນຳໃຊ້ ເຂົ້າໃນວຽກງານໃຫ້ມີຄວາມປອດໄພ ແລະ ມີປະສິດຕິພາບ.

 

    ການຝຶກອົບຮົມໄດ້ສິ້ນສຸດລົງ ໃນມື້ດຽວກັນ 25 ພຶດສະພາ 2022, ເວລາ 16:30.

ຂ່າວໂດຍ: ຊ່ອງດາວ  ພົມມະຈັນ

 

 

ວາ​ລະ​ສານ ໄອ​ຊີ​ທີ
ໜັງສືພິມ
ໜັງສືເຊີນເຂົ້າຮ່ວມປະມູນ ການຈັດຊື້ລະບົບຈັດເກັບ ແລະ ນໍາໃຊ້ເອກະສານຮ່ວມກັນພາກລັດ
ໜັງສືເຊີນເຂົ້າຮ່ວມປະມູນ ການຈັດຊື້ລະບົບ ສື່ສານພາກລັດ
ໜັງສືເຊີນເຂົ້າຮ່ວມການປະມູນ