2022/06/03 ສູນບໍລິຫານລັດດິຈິຕອນ, ກະຊວງເຕັກໂນໂລຊີ ແລະ ການຊສື່ສານ, ລົງຝຶກອົບຮົມການນຳໃຊ້ລະບົບຈັດເກັບ ແລະ ນຳໃຊ້ເອກະສານຮ່ວມກັນຂອງພາກລັດ (G-Share, G-Drive) ແລະ ລະບົບສື່ສານພາກລັດ G-Chat ໃຫ້ ແກ່ກະຊວງພະລັງງານ ແລະ ບໍ່ແຮ່.

03/06/2022

2022/06/03   ສູນບໍລິຫານລັດດິຈິຕອນ, ກະຊວງເຕັກໂນໂລຊີ ແລະ ການຊສື່ສານ, ລົງຝຶກອົບຮົມການນຳໃຊ້ລະບົບຈັດເກັບ ແລະ ນຳໃຊ້ເອກະສານຮ່ວມກັນຂອງພາກລັດ  (G-Share, G-Drive) ແລະ ລະບົບສື່ສານພາກລັດ G-Chat ໃຫ້ ແກ່ກະຊວງພະລັງງານ ແລະ ບໍ່ແຮ່.

     ໃນວັນທີ 03 ມິຖຸນາ 2022, ສູນບໍລິຫານລັດດິຈິຕອນ, ກະຊວງ ເຕັກໂນໂລຊີ ແລະ ການສື່ສານ ໄດ້ຈັດຝຶກອົບຮົມການຕິດຕັ້ງ, ນຳໃຊ້ລະບົບການຈັດເກັບ ແລະ ນຳໃຊ້ເອກະສານຮ່ວມກັນ  ແລະ ລະບົບສື່ສານພາກລັດ (G-Chat) ໃຫ້ແກ່ ກະຊວງພະລັງງານ ແລະ ບໍ່ແຮ່ ພາຍໃຕ້ການເປັນປະທານຮ່ວມຂອງ ທ່ານ ສຸລິຍາ  ແສງດາລາວົງ ຮອງຫົວໜ້າຫ້ອງການ, ມີຜູ້ເຂົ້າຮ່ວມຈາກ 11 ກົມ/ທຽບເທົ່າອ້ອມຂ້າງຄະນະໂຄສະນາອົບຮົມສູນກາງພັກ ແລະ ທີມງານນັກວິທະຍາກອນ ຈາກສູນບໍລິຫານລັດດິຈິຕອນ, ກະຊວງ ເຕັກໂນໂລຊີ ແລະ ການສື່ສານ ເຂົ້າຮ່ວມຈຳນວນທັ້ງໝົດ 50 ທ່ານ.

          
      ຈຸດປະສົງໃນການ​ຝຶກ​ອົບ​ຮົມ​ໃນ​ຄັ້ງ​ນີ້ ກໍ່ເພື່ອ​ຍົກ​ລ​ະ​ດັບ​ຄວາມ​ຮູ້​ຄວາມ​ສາ​ມາດ ​ໃນການນຳໃຊ້ລະບົບການຈັດເກັບ ແລະ ນຳໃຊ້ເອກະສານຮ່ວມກັນຂອງພາກລັດ ຫຼື G-Share/G-Drive ໃນການບັນທຶກ ຈັດເກັບ ແລະ ສົ່ງຕໍ່, ເອກະສານ ແລະ ບັນດາຂໍ້ມູນດ້ານຕ່າງໆ ທີ່ໃຊ້ເຂົ້າໃນວຽກງານ  ຜ່ານລະບົບ Cloud, ພ້ອມກັນນັ້ນ ຜູ້ເຂົ້າຮ່ວມຍັງໄດ້ຮຮຽນຮູ້ ການນໍາໃຊ້ລະບົບ ໃຊ້ລະບົບ ສື່ສານພາກລັດ (G-Chat) ໃນການສົ່ງ-ຮັບຂໍ້ມູນ ເຊັ່ນ: ຂໍ້ຄວາມ, ຮູບພາບ, ສຽງ, ວີດີໂອ, ຟາຍເອກະສານ, ການໂທ (Voice, Video) ແລະ ອື່ນໆ ເພື່ອຍົກສູງຄວາມສາມາດໃນການໝູນໃຊ້ລະບົບ ດັ່ງກ່າວ ເຂົ້າໃນການປະຕິບັດວຽກງານຢ່າງມີປະສິດທິພາບ, ຫຼຸດຜ່ອນຂັ້ນຕອນການກຳເນີນການ, ປະຢັດເວລາ ແລະ ເອກະສານຊ້ຳຊ້ອນ ໃຫ້ໄດ້ຮັບໝາກຜົນສູງສຸດ.

    ໃນການ​ຝຶກ​ອົບ​ຮົມໃນຄັ້ງນີ້ ແມ່ນໄດ້ແນະນຳການນຳໃຊ້ລະບົບທັງຜ່ານລະບົບກ່ຽວກັບ ການສ້າງ, ອັບໂຫຼດ ແລະ ຈັດການຟາຍ (File), ການແບ່ງປັນຂໍ້ມູນໃຫ້ກັບບຸກຄົນອື່ນດ້ວຍຮູບແບບຕ່າງໆ ແລະ ການແກ້ໄຂເອກະສານຮ່ວມກັນ, ນອກນັ້ນ ຍັງໄດ້ຍົກຕົວຢ່າງການນຳໃຊ້ເຂົ້າໃນວຽກງານຕົວຈິງ ເພື່ອເປັນແນວທາງໃນການນຳໄປວາງແຜນ ເຊິ່ງສາມາດປັບເຂົ້າໃນລະບົບການເຮັດວຽກຂອງແຕ່ລະພາກສ່ວນເພື່ອການຫັນເປັນທັນສະໄໝໃຫ້ແກ່ບັນດານັກສຳມະນາກອນອີກດ້ວຍ.

     ພາຍຫຼັງການແນະນຳການຄຸ້ມຄອງ ແລະ ນຳໃຊ້ລະບົບສຳເລັດ ກອງປະຊຸມໄດ້ມີການແລກປ່ຽນຄຳຄິດເຫັນ ຊຶ່ງດໍາເນີນໄປດ້ວຍບັນຍາກາດ​ຟົດ​ຟື້ນ, ໄດ້ມີການຕັ້ງຄຳຖາມ-ຕອບ ປຶກສາຫາລື ບັນຫາຕ່າງໆ ທີ່ກ່ຽວຂ້ອງເຖິງການນໍາໃຊ້ ແລະ ພັດທະນາ ລະບົບ G-Share/G-Drive ຂອງພາກລັດ  ແລະ ລະບົບສື່ສານພາກລັດ (G-Chat) ທີ່ໜ້າສົນໃຈ ແລະ ເປັນປະໂຫຍດໃນການພັດທະນາ ແລະ ປັບປຸງລະບົບ ໃຫ້ສາມາດນຳໃຊ້ ເຂົ້າໃນວຽກງານໃຫ້ມີຄວາມປອດໄພ ແລະ ມີປະສິດຕິພາບ.

    ການຝຶກອົບຮົມໄດ້ສິ້ນສຸດລົງ ໃນມື້ດຽວກັນ 03/06/2022 ເວລາ 16:30.

ຂ່າວໂດຍ: ຊ່ອງດາວ  ພົມມະຈັນ

 

ວາ​ລະ​ສານ ໄອ​ຊີ​ທີ
ໜັງສືພິມ
ໜັງສືເຊີນເຂົ້າຮ່ວມປະມູນ ການຈັດຊື້ລະບົບຈັດເກັບ ແລະ ນໍາໃຊ້ເອກະສານຮ່ວມກັນພາກລັດ
ໜັງສືເຊີນເຂົ້າຮ່ວມປະມູນ ການຈັດຊື້ລະບົບ ສື່ສານພາກລັດ
ໜັງສືເຊີນເຂົ້າຮ່ວມການປະມູນ