2022 /03/04 ໜ່ວຍແມ່ຍິງ ສູບໍລິຫານລັດດິຈິຕອນ ໄດ້ເຂົ້າຮ່ວມພິທີມອບ-ຮັບການຢັ້ງຢືນຮັກສານາມມະຍົດທຸງໄຊ, ໃບຍ້ອງຍໍ ແລະ ໃບຊົມເຊີຍໃຫ້ກົມກອງລວມໝູ່ ແລະ ບຸກຄົນທີ່ມີຜົນງານດີເດັ່ນໃນການຈັດຕັ້ງປະຕິບັດຂໍ້ແຂ່ງຂັນ 3 ດີ ສະໄໝທີ VII (2016-2020)

07/03/2022

2022 /03/04  ໜ່ວຍແມ່ຍິງ ສູບໍລິຫານລັດດິຈິຕອນ ໄດ້ເຂົ້າຮ່ວມພິທີມອບ-ຮັບການຢັ້ງຢືນຮັກສານາມມະຍົດທຸງໄຊ, ໃບຍ້ອງຍໍ ແລະ ໃບຊົມເຊີຍໃຫ້ກົມກອງລວມໝູ່ ແລະ ບຸກຄົນທີ່ມີຜົນງານດີເດັ່ນໃນການຈັດຕັ້ງປະຕິບັດຂໍ້ແຂ່ງຂັນ 3 ດີ ສະໄໝທີ VII (2016-2020)

   ໃນຕອນເຊົ້າຂອງວັນທີ 04 ມີນາ 2022 ຜ່ານມານີ້, ໜ່ວຍແມ່ຍິງ ສູບໍລິຫານລັດດິຈິຕອນ ໄດ້ເຂົ້າຮ່ວມພິທີມອບ-ຮັບການຢັ້ງຢືນຮັກສານາມມະຍົດທຸງໄຊ, ໃບຍ້ອງຍໍ ແລະ ໃບຊົມເຊີຍໃຫ້ກົມກອງລວມໝູ່ ແລະ ບຸກຄົນທີ່ມີຜົນງານດີເດັ່ນໃນການຈັດຕັ້ງປະຕິບັດຂໍ້ແຂ່ງຂັນ 3 ດີ ສະໄໝທີ VII (2016-2020) ທີ່ຫ້ອງປະຊຸມກະຊວງ ເຕັກໂນໂລຊີ ແລະ ການສື່ສານ(ກຕສ)  ຈັດໂດຍ ສະຫະພັນແມ່ຍິງກະຊວງ ຕສ ໂດຍໃຫ້ກຽດເຂົ້າຮ່ວມເປັນປະທານຂອງ ສະຫາຍ ບັນດິດ ສຈ. ບໍ່ວຽງຄໍາ ວົງດາລາ, ກໍາມະການສູນກາງພັກ, ເລຂາຄະນະພັກກະຊວງ, ລັດຖະມົນຕີ ກຕສ, ພ້ອມດ້ວຍປະທານສະຫະພັນແມ່ຍິງ, ເຂລາຄະນະບໍລິຫານງານຊາວໜຸ່ມ, ປະທານສະຫະພັນກໍາມະບານ, ແລະ ແຂກຜູ້ມີກຽດເຂົ້າຮ່ວມ ມີຄະນະພັກກະຊວງ, ຄະນະໜ່ວຍພັກບັນດາກົມ/ທຽບເທົ່າ, ຄະນະພັກຮາກຖານບໍລິສັດ ລັດວິສາຫະກິດ, ຄະນະບໍລິຫານງານສະຫະພັນຍິງກະຊວງ ແລະ ຕາງໜ້າສະມາຊິກເອື້ອຍນ້ອງແມ່ຍິງ ອ້ອມຂ້າງກະຊວງ ກໍ່ໄດ້ເຂົ້າຮ່ວມຢ່າງພ້ອມພຽງ.

     ໃນພິທີໄດ້ຮັບຟັງການລາຍງານຫຍໍ້ຜົນ​ສໍາເລັດຂອງການ​ຈັດ​ຕັ້ງ​ປະ​ຕິ​ບັດ​ຂໍ້​ແຂ່ງ​ຂັນ 3 ດີ ສະໄໝ​ທີ II (2016-2020) ແລະ ທິດ​ທາງ​ໃນຕໍ່ໜ້າ ແລະ ເປີດບັ້ນແຂ່ງຂັນ ໄລຍະ 2021-2025  ເປັນຕົ້ນ: ໄດ້ຈັດຕັ້ງປະຕິບັດ ຂໍ້ແຂ່ງຂັນ 3 ດີ ຊຶ່ງຕິດພັນກັບການຈັດຕັ້ງປະຕິບັດວຽກງານວິຊາສະເພາະ, ຈາກຜົນງານດັ່ງກ່າວໜ່ວຍແມ່ຍິງສູນບໍລິຫານລັດ ຂອງພວກເຮົາ ກໍ່ສາມາດຍາດໄດ້ 3 ດີປະ​ເພດ I ຈຳ​ນວນ 15 ຄົນ ກວມເອົາ 100% ຂອງຈໍານວນຜູ້ເຂົ້າຮ່ວມຂໍ້ແຂງຂັນ 3 ດີພາຍໃນໜ່ວຍ.

    

          ໃນວັນດຽວກັນ ຍັງໄດ້ມີການຈັດກິດຈະກໍາ ຈໍາໜ່າຍຜະລິດຕະພັນ ຂອງເອື້ອຍນ້ອງແມ່ຍິງ ອ້ອມຂ້ອມຂ້າງ ກະຊວງ,  ໜ່ວຍແມ່ຍິງ ສລດ ກໍ່ໄດ້ມີຜະລິດຕະພັນຮ່ວມກິດຈະກໍາພາຍໃນງານ ເພື່ອສ້າງລາຍຮັບເຂົ້າຄັງຂອງໜ່ວຍ ທັງເປັນການສ້າງຂະບວນການໃຫ້ບັນຍາກາດຝົດຟື້ນເພື່ອຂໍ່ານັບຮັບຕ້ອນກອງປະຊຸມໃຫຍ່ຄັ້ງທີ II ຂອງອົງຄະນະພັກ ກະຊວງ ເຕັກໂນໂລຊີ ແລະ ການສື່ສານ ທີ່ຈະໄຂຂຶ້ນໃນໄວໆນີ້.

ບົດຂ່າວໂດຍ:ນ. ວຽງຄຳ  ເພັດສີຄາມ

 

ວາ​ລະ​ສານ ໄອ​ຊີ​ທີ
ໜັງສືພິມ
ໜັງສືເຊີນເຂົ້າຮ່ວມປະມູນ ການຈັດຊື້ລະບົບຈັດເກັບ ແລະ ນໍາໃຊ້ເອກະສານຮ່ວມກັນພາກລັດ
ໜັງສືເຊີນເຂົ້າຮ່ວມປະມູນ ການຈັດຊື້ລະບົບ ສື່ສານພາກລັດ
ໜັງສືເຊີນເຂົ້າຮ່ວມການປະມູນ