2021-08-09 ກອງປະຊຸມ ເຜີຍແຜ່ຂໍ້ຕົກລົງ ວ່າດ້ວຍການຄຸ້ມຄອງ ແລະ ບໍລິຫານເອກະສານ ຂອງກະຊວງ ຕສ

09/08/2021

2021-08-09 ກອງປະຊຸມ ເຜີຍແຜ່ຂໍ້ຕົກລົງ ວ່າດ້ວຍການຄຸ້ມຄອງ ແລະ ບໍລິຫານເອກະສານ ຂອງກະຊວງ ຕສ

ໃນຕອນເຊົ້າ ວັນທີ 09 ສິງຫາ 2021 ສູນບໍລິຫານລັດດ້ວຍເອເລັກໂຕຣນິກ ຮ່ວມ ກັບຫ້ອງການກະຊວງ ຕສ, ໄດ້ຈັດກອງປະຊຸມ ສຳມະນາເຜີຍແຜ່ຂໍ້ຕົກລົງວ່າດ້ວຍການຄຸ້ມຄອງ ແລະ ບໍລິຫານເອກະສານ ຂອງກະຊວງ ຕສ, ໂດຍການເປັນປະທານຮ່ວມຂອງທ່ານ ນ.ຈິດຕະພອນ  ຈັນສິລິລາດ, ຮອງຫົວໜ້າສູນບໍລິຫານລັດດ້ວຍເອເລັກໂຕຣນິກ ແລະ ທ່ານ ນ.ຈັນອົບ ສີຫາລາດ ຮອງຫົວໜ້າ ຫ້ອງການກະຊວງ ເຕັກໂນໂລຊີ ແລະ ການສື່ສານ, ໂດຍມີຜູ້ເຂົ້າຮ່ວມ ຈາກ 17 ກົມ ພາຍໃນກະຊວງ ຕສ ຈຳນວນທັງໝົດ 40 ທ່ານ.

  

    ຈຸດປະສົງ ໃນການສຳມະນາຄັ້ງນີ້ ກໍ່ເພື່ອເຜີຍແຜ່ກ່ຽວກັບຂໍ້ຕົກລົງວ່າດ້ວຍ ການຄຸ້ມຄອງ ແລະ ບໍລິຫານເອກະສານ ຂອງກະຊວງ ຕສ ໃຫ້ແກ່ຂາອອກ-ຂາເຂົ້າຂອງບັນດາກົມ/ທຽບເທົ່າພາຍໃນກະຊວງ ຕສ ເພື່ອໃຫ້ເຂົ້າໃຈກ່ຽວກັບບັນດາຫຼັກການ ແລະ ລະບຽບການໃນການຄຸ້ມຄອງ-ບໍລິຫານເອກະສານສະບັບເຈ້ຍ ແລະ ຜ່ານລະບົບຫ້ອງການທັນສະໄໝເພື່ອເຮັດໃຫ້ການຮ່າງ, ການດຳເນີນການເອກະສານເປັນໄປຕາມຂັ້ນຕອນຢ່າງຖຶກຕ້ອງ, ເປັນເອກະພາບກັນ ພາຍໃນກະຊວງ ເຕັກໂນໂລຊີ ແລະ ການສື່ສານ, ແນ່ໃສ່ການເຮັດວຽກຢ່າງວ່ອງໄວ, ປອດໄພ ແລະ ຮັບປະກັນຄຸນຄ່າ ແລະ ຄວາມສັກສິດຂອງເອກະສານ ປະກອບສ່ວນເຂົ້າໃນວຽກງານບໍລິຫານລັດແບບທັນສະໄໝຢ່າງມີປະສິດທິພາບ ແລະ ປະສິດທິຜົນສູງ.

 

    ພາຍຫຼັງການນຳສະເໜີ, ກອງປະຊຸມຍັງໄດ້ມີການແລກປ່ຽນຄຳຄິດເຫັນຂອງບັນດາກົມ/ທຽບເທົ່າ ແບບກົງໄປກົງມາ ຊຶ່ງດໍາເນີນໄປດ້ວຍບັນຍາກາດ​ອັນຟົດ​ຟື້ນ, ໂດຍໄດ້ມີການຕັ້ງຄຳຖາມ-ຕອບ ປຶກສາຫາລື ແລະ ນຳສະເໜີບັນຫາ ແລະ ຂໍ້ກຳນົດຕ່າງໆ ທີ່ກ່ຽວຂ້ອງເຖິງການຄຸ້ມຄອງ ແລະ ບໍລິຫານເອກະສານຕ່າງໆ, ລະບົບ ບໍລິຫານ/ບໍລິການລັດ ແບບທັນສະ ໄໝ ເຊິ່ງ ມີປະໂຫຍດ ໂດຍສະເພາະແມ່ນ ໃນການປະກອບເຂົ້າໃນໜ້າທີ່ວຽກ ຕົວຈິງໃຫ້ມີຄວາມວ່ອງໄວ, ປອດໄພ ແລະ ມີປະສິດຕິພາບສູງ.

 

ກອງປະຊຸມສຳມະນາໄດ້ສິ້ນສຸດລົງ ໃນຕອນພາກເຊົ້າ ວັນທີ 09 ສິງຫາ 2021, ເວລາ 12:00.ນາທີ

 

ຂຽນໂດຍ: ຊ່ອງດາວ ພົມມະຈັນ

 

ວາ​ລະ​ສານ ໄອ​ຊີ​ທີ
ໜັງສືພິມ
ສະຖິຕິ
ວິໃສທັດ,ແຜນຍຸດທະສາດ