ພິທີເຊັນສັນຍາ MOU ລະຫວ່າງ ສູນບໍລິຫານລັດດ້ວຍເອເລັກໂຕຣນິກ ກະຊວງໄປສະນີ, ໂທລະຄົມມະນາຄົມ ແລະ ການສື່ສານ ແລະ ບໍລິສັດ ລາວໂທລະຄົມມະນາຄົມ ມະຫາຊົນ

18/03/2021

ພິທີເຊັນສັນຍາ MOU ລະຫວ່າງ ສູນບໍລິຫານລັດດ້ວຍເອເລັກໂຕຣນິກ ກະຊວງໄປສະນີ, ໂທລະຄົມມະນາຄົມ ແລະ ການສື່ສານ ແລະ ບໍລິສັດ ລາວໂທລະຄົມມະນາຄົມ ມະຫາຊົນ

    ໃນຕອນບ່າຍ ຂອງວັນທີ 18 ມີນາ 2021 ທີ່ສຳນັກງານໃຫຍ່ ບໍລິສັດ ລາວໂທລະຄົມມະນາຄົມ ມະຫາຊົນ ໄດ້ມີງານພິທີເຊັນບົດບັນທຶກຄວາມເຂົ້້າໃຈການຮ່ວມມືກັນລະຫວ່າງ ສູນບໍລິຫານລັດດ້ວຍເອເລັກໂຕຣນິກ (ສລອ) ກະຊວງໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ແລະ ບໍລິສັດ ລາວໂທລະຄົມມະນາຄົມ ມະຫາຊົນ ຂຶ້ນຢ່າງເປັນທາງການ.

      ໂດຍເປັນກຽດເຂົ້າຮ່ວມເປັນປະທານ ຂອງ ທ່ານ ປອ ທັນສະໄໝ ກົມມະສິດ ລັດຖະມົນຕີກະຊວງໄປສະນີ, ໂທລະຄົມມະນາຄົມ ແລະ ການສື່ສານ, ທ່ານ ປອ. ທະວີສັກ ມະໂນທັມ ຫົວໜ້າ ສລອ ແລະ ທ່ານ ສຸພົນ ຈັນທະວີໄຊ ຜູ້ອຳນວຍການໃຫຍ່ ບໍລິສັດ ລາວໂທລະຄົມມະນາຄົມ ມະຫາຊົນ, ນອກຈາກນີ້ຍັງມີ ຄະນະກົມ, ຄະນະສູນ, ອົງການ ແລະ ຫ້ອງການ ອ້ອມຂ້າງກະຊວງ ປທສ ພ້ອມດ້ວຍ ຄະນະຜູ້ບໍລິຫານ ລາວໂທລະຄົມມະນາຄົມ ມະຫາຊົນ ແລະ ບໍລິສັດໃນເຄືອ ເຂົ້າຮ່ວມງານ.

   ເປັນກຽດລົງນາມພິທີເຊັນສັນຍາ MOU ຄັ້ງນີ້ໂດຍ:

  1. ທ່ານ ປອ. ທະວີສັກ ມະໂນທັມ ຫົວໜ້າ ສູນບໍລິຫານລັດດ້ວຍເອເລັກໂຕນິກ ກະຊວງໄປສະນີ, ໂທລະຄົມມະນາຄົມ ແລະ ການສື່ສານ;
  2. ທ່ານ ສຸພົນ ຈັນທະວີໄຊ ຜູ້ອຳນວຍການໃຫຍ່ ບໍລິສັດ ລາວໂທລະຄົມມະນາຄົມ ມະຫາຊົນ.

  ຈຸດປະສົງຂອງການຈັດງານການເຊັນບົດບັນທຶກ (MOU) ໃນຄັ້ງນີ້: ແມ່ນເພື່ອຕົກລົງຮ່ວມມື ຈັດງານແຂ່ງຂັນ Makerthon  Lao ແລະ ຮ່ວມມືພັດທະນາລະບົບບໍລິຫານ ແລະ ບໍລິການລັດແບບ Digital  ເຊິ່ງແມ່ນ ລາວໂທລະຄົມ ຈະເປັນແມ່ງານໃນການຈັດງານ, ທັງນີ້ ການຮ່ວມມືໃນການຈັດງານ Makerthone Lao ກໍ່ແມ່ນເພື່ອກ້າວໄປສູ່ການເຂົ້າຮ່ວມການແຂ່ງຂັນລະດັບ ASEAN, ເປີດໂອກາດໃຫ້ນັກປະດິດ ສາຍໄອທີ ໃນປະເທດລາວໄດ້ມີພື້ນທີ່ສະແດງຄວາມຄິດສ້າງສັນໃນການຄິດຄົ້ນ ແລະ ພັດທະນານະວັດຕະກຳໃໝ່ໆອອກມາຮັບໃຊ້ສັງຄົມ ເປັນຕົ້ນການນຳໃຊ້ ເຕັກໂນໂລຊີ IoT ແລະ Big Data ເພື່ອພັດທະນານຳໃຊ້ ໃນວຽກງານການສຶກສາ, ການກະສິກຳ, ແລະ ອື່ນໆ ໂດຍທີ່ຫົວໃຈຫຼັກຂອງງານ ຄືການຮຽນຮູ້ ຫຼາຍກວ່າຜົນຂອງການແຂ່ງຂັນ.

 

ຂ່າວໂດຍ: ບຸນມີ ທອງປະເສີດ

 

ວາ​ລະ​ສານ ໄອ​ຊີ​ທີ
ໜັງສືພິມ
ສະຖິຕິ
ວິໃສທັດ,ແຜນຍຸດທະສາດ