2020/11/06-05 ສູນບໍລິຫານລັດດ້ວຍເອເລັກໂຕຣນິກ ກະຊວງ ໄປສະນີ ໂທລະຄົມມະນາຄົມ ແລະ ການສື່ສານ ໄດ້ມອບເຄື່ອງອຸປະກອນລະບົບກອງປະຊຸມທາງໄກ ພ້ອມຕິດຕັ້ງ ແລະ ຝຶກອົບຮົມ ການຄຸ້ມຄອງເຄື່ອງອຸປະກອນ ໃຫ້ກັບຫ້ອງວ່າການແຂວງ ສາລາວັນ

06/11/2020

2020/11/06-05 ສູນບໍລິຫານລັດດ້ວຍເອເລັກໂຕຣນິກ ກະຊວງ ໄປສະນີ ໂທລະຄົມມະນາຄົມ ແລະ ການສື່ສານ ໄດ້ມອບເຄື່ອງອຸປະກອນລະບົບກອງປະຊຸມທາງໄກ ພ້ອມຕິດຕັ້ງ ແລະ ຝຶກອົບຮົມ ການຄຸ້ມຄອງເຄື່ອງອຸປະກອນ ໃຫ້ກັບຫ້ອງວ່າການແຂວງ ສາລາວັນ

        ໃນວັນທີ 05-06 ພະຈິກ 2020 ທີ່ຫ້ອງວ່າການແຂວງ ສາລາວັນ, ສູນບໍລິຫານລັດດ້ວຍເອເລັກໂຕຣນິກ ກະຊວງ ໄປສະນີ ໂທລະຄົມມະນາຄົມ ແລະ ການສື່ສານ (ປທສ) ໄດ້ມອບເຄື່ອງອຸປະກອນລະບົບກອງປະຊຸມທາງໄກ ຈຳນວນ 01 ຊຸດ ພ້ອມຕິດຕັ້ງ ແລະ ຝຶກອົບຮົມ ການຄຸ້ມຄອງເຄື່ອງອຸປະກອນ ໃຫ້ກັບຫ້ອງວ່າການແຂວງ ສາລາວັນ ແລະ ພະແນກການອ້ອມຂ້າງ,  ລວມມູນຄ່າທັງໝົດ 48,671,000 ກີບ,  ໂດຍແມ່ນ ການສະໜັບສະໜູນ ຈາກອົງການ UNDP ປະຈຳ ສປປ ລາວ, ກ່າວມອບໂດຍ ທ່ານ ປອ ສົມໄພວັນ ແສງສຸຣິຍະ ຮອງຫົວໜ້າສູນບໍລິຫານລັດດ້ວຍເອເລັກໂຕຣນິກ, ກະຊວງ  ປທສ ແລະ ຕາງໜ້າຈາກຫ້ອງວ່າການແຂວງ ສາລາວັນ ກ່າວຮັບ ໂດຍ ທ່ານ. ບົວທອງ ຄຸນຍອດປັນຍາ ຮອງເລຂາພັກແຂວງ ຮອງເຈົ້າແຂວງ ສາລາວັນ ພ້ອມດ້ວຍຄະນະ. 

    ໃນໂອກາດດັ່ງກ່າວນີ້ ທາງ ສູນບໍລິຫານລັດດ້ວຍເອເລັກໂຕຣນິກ, ກະຊວງ  ປທສ ກໍ່ໄດ້ຈັດສໍາມະນາ ກ່ຽວກັບ ການຫັນເປັນທັນສະໄໝທາງດ້ານດິຈິຕອນ ແລະ ລັດຖະບານດິຈິຕອນ ພ້ອມທັງຈັດຝຶກອົບຮົມການຄຸ້ມຄອງ ແລະ ນຳໃຊ້ລະບົບກອງປະຊຸມທາງໄກ ໃຫ້ແກ່ພະນັກງານຫ້ອງວ່າການແຂວງ ແລະ ພະແນກການກ່ຽວຂ້ອງເຂົ້າຮ່ວມ, ເຊິ່ງມີຜູ້ເຂົ້າຮ່ວມທັງໝົດ ຈຳນວນ 27 ທ່ານ, ທັງນີ້ກໍ່ເພື່ອຫັນວຽກງານລັດ ໃຫ້ເປັນທັນສະໄໝ ໂດຍສະເພາະການຈັດປະຊຸມທາງໄກ ລະຫວ່າງ ແຂວງສາລາວັນ ກັບບັນດາອົງການຈັດຕັ້ງພັກ-ລັດ ໃນທົ່ວປະເທດ ແລະ ຈັດກອງປະຊຸມກັບຕ່າງປະເທດ.

 

ຂ່າວໂດຍ: ທ.ສົມປະສົງ ພິພັກຂະວົງ

 

ວາ​ລະ​ສານ ໄອ​ຊີ​ທີ
ໜັງສືພິມ
ສະຖິຕິ
ວິໃສທັດ,ແຜນຍຸດທະສາດ