2020/11/03 ສູນ ບໍລິຫານລັດດ້ວຍເອເລັກໂຕຣນິກມອບເຄື່ອງອຸປະກອນລະບົບກອງປະຊຸມທາງໄກ ໃຫ້ ຫ້ອງວ່າການແຂວງ ເຊກອງ

04/11/2020

2020/11/03  ສູນ ບໍລິຫານລັດດ້ວຍເອເລັກໂຕຣນິກມອບເຄື່ອງອຸປະກອນລະບົບກອງປະຊຸມທາງໄກ ໃຫ້ ຫ້ອງວ່າການແຂວງ ເຊກອງ

      ໃນວັນທີ 03 ພະຈິກ 2020 ທີ່ຫ້ອງວ່າການແຂວງ ເຊກອງ, ສູນບໍລິຫານລັດດ້ວຍເອເລັກໂຕຣນິກ ກະຊວງ ໄປສະນີ ໂທລະຄົມມະນາຄົມ ແລະ ການສື່ສານ (ປທສ) ໄດ້ມອບເຄື່ອງອຸປະກອນລະບົບກອງປະຊຸມທາງໄກ ຈຳນວນ 01 ຊຸດ ພ້ອມຕິດຕັ້ງ ໃຫ້ກັບຫ້ອງວ່າການແຂວງ ເຊກອງ,  ລວມມູນຄ່າທັງໝົດ 48,671,000 ກີບ,  ໂດຍແມ່ນ ການສະໜັບສະໜູນ ຈາກອົງການ UNDP ປະຈຳ ສປປ ລາວ, ກ່າວມອບໂດຍ ທ່ານ ປອ ສົມໄພວັນ ແສງສຸຣິຍະ ຮອງຫົວໜ້າສູນບໍລິຫານລັດດ້ວຍເອເລັກໂຕຣນິກ, ກະຊວງ  ປທສ ແລະ ຕາງໜ້າຈາກຫ້ອງວ່າການແຂວງ ເຊກອງ ກ່າວຮັບ ໂດຍ ທ່ານ ໂພໄຊ ພິມມະສອນ ຮອງຫົວໜ້າຫ້ອງວ່າການແຂວງ ເຊກອງ ພ້ອມດ້ວຍຄະນະ.

     ໃນໂອກາດດັ່ງກ່າວນີ້ ທາງ ສູນບໍລິຫານລັດດ້ວຍເອເລັກໂຕຣນິກ, ກໍ່ໄດ້ຈັດສໍາມະນາ ກ່ຽວກັບ ການຫັນເປັນທັນສະໄໝທາງດ້ານດິຈິຕອນ ແລະ ລັດຖະບານດິຈິຕອນ ພ້ອມທັງຈັດຝຶກອົບຮົມການຄຸ້ມຄອງ ແລະ ນຳໃຊ້ລະບົບກອງປະຊຸມທາງໄກ ໃຫ້ແກ່ພະນັກງານຫ້ອງວ່າການແຂວງ ແລະ ພະແນກການກ່ຽວຂ້ອງເຂົ້າຮ່ວມ, ເຊິ່ງມີຜູ້ເຂົ້າຮ່ວທັງໝົດ ຈຳນວນ 27 ທ່ານ, ທັງນີ້ກໍ່ເພື່ອຫັນວຽກງານລັດ ໃຫ້ເປັນທັນສະໄໝ ໂດຍສະເພາະການຈັດປະຊຸມທາງໄກ ລະຫວ່າງ ແຂວງເຊກອງ ກັບບັນດາອົງການຈັດຕັ້ງພັກ-ລັດ ໃນທົ່ວປະເທດ ແລະ ຈັດກອງປະຊຸມກັບຕ່າງປະເທດ.

 

ວາ​ລະ​ສານ ໄອ​ຊີ​ທີ
ໜັງສືພິມ
ສະຖິຕິ
ວິໃສທັດ,ແຜນຍຸດທະສາດ