ກອງປະຊຸມ ຜ່ານຮ່າງຂໍ້ຕົກລົງວ່າດ້ວຍການຄຸ້ມຄອງ ແລະ ການນຳໃຊ້ລະບົບຫ້ອງການທັນສະໄໝ (e-Office) ຄັ້ງວັນທີ 19 ກຸມພາ 2020

19/02/2020

ກອງປະຊຸມ ຜ່ານຮ່າງຂໍ້ຕົກລົງວ່າດ້ວຍການຄຸ້ມຄອງ ແລະ ການນຳໃຊ້ລະບົບຫ້ອງການທັນສະໄໝ (e-Office)    ຄັ້ງວັນທີ 19 ກຸມພາ 2020

 

        ໃນຕອນເຊົ້າ ຂອງ ວັນທີ 19 ກຸມພາ 2020 ເວລາ 9:00 ໂມງ ທີ່ຫ້ອງປະຊຸມໃຫຍ່ ຕຶກ F, ສະຖາບັນເຕັກໂນໂລຊີການສື່ສານຂໍ້ມູນຂ່າວສານ. ສູນບໍລິຫານລັດດ້ວຍເອເລັກໂຕຣນິກ ໄດ້ຈັດກອງປະຊຸມ ຜ່ານຮ່າງຂໍ້ຕົກລົງ ວ່າດ້ວຍ ການຄຸ້ມ ແລະ ນຳໃຊ້ ລະບົບຫ້ອງການທັນສະໄໝ (e-Office)    ຂອງກະຊວງ ປທສ ຂື້ນ ໂດຍການເປັນ ປະທານ ຂອງ ທ່ານ ນາງ ຈິດຕະພອນ ຈັນສີສິລາດ ຮອງຫົວຫນ້າສູນບໍລິຫານລັດດ້ວຍເອເລັກໂຕຣນິກ, ກະຊວງ ປທສ. ເຊີ່ງມີຜູ້ຕ່າງໜ້າຈາກບັນດາ ຄະນະກົມ/ທຽບເທົ່າ ພາຍໃນກະຊວງ ປທສ ເຂົ້າຮ່ວມທັງໝົດຈຳນວນ 25 ທ່ານ.

ກອງປະຊຸມຄັ້ງນີ້ທ່ານ ນາງ ຈິດຕະພອນ ຈັນສີສິລາດ ໄດ້ກ່າວຈຸດປະສົງ ແລະ ຄວາມສຳຄັນ ຂອງການຄຸ້ມຄອງ ແລະ ການນຳໃຊ້ ລະບົບຫ້ອງການທັນສະໄໝ e-Office ຂອງກະຊວງ ປທສ, ຫຼັງຈາກນັ້ນ ທ່ານ ພູຊະນະ ສິລິວົງ ຮອງຫົວໜ້າພະແນກ ໂປຣແກຣມ ແລະ ຂໍ້ມູນຂ່າວສານ, ສລອ ກໍ່ໄດ້ສຶບຕໍ່ນຳສະເໜີ ຮ່າງຂໍ້ຕົກລົງວ່າດ້ວຍການຄຸ້ມຄອງ ແລະ ການນຳໃຊ້ ລະບົບຫ້ອງການທັນສະໄໝ (e-Office).

ພາຍຫລັງ ສິ້ນສຸດການນຳສະເໜີບົດ ທາງຄະນະຈັດຕັ້ງກອງປະຊຸມ ກໍ່ໄດ້ສະເໜີໃຫ້ຜູ້ເຂົ້າຮ່ວມປະກອບຄຳຄິດຄຳເຫັນ ເພື່ອ ປຶກສາຫາລື ແລະ ແລກປ່ຽນ ໃສ່ຮ່າງຂໍ້ຕົກລົງດັ່ງກ່າວໃຫ້ມີຄວາມສົມບູນ ແລະ ເປັນເອກະພາບກັນ, ເຊີ່ງເຫັນໄດ້ວ່າ ທຸກໆຄຳເຫັນມີປະໂຫຍດ ໃນການປັບປຸງຮ່າງຂໍ້ຕົກລົງໃຫ້ສົມບູນຂື້ນ.

ຫຼັງຈາກນັ້ນ ເວລາ 11:50 ໂມງ ທ່ານ ນາງ ຈິດຕະພອນ ຈັນສີສິລາດ ຮອງຫົວຫນ້າສູນບໍລິຫານລັດດ້ວຍເອເລັກໂຕຣນິກ, ກະຊວງ ປທສ, ກໍ່ໄດ້ກ່າວສະຫຼຸບ ແລະ ໄດ້ປິດກອງປະຊຸມລົງຂອງວັນດຽວກັນ

 

ວາ​ລະ​ສານ ໄອ​ຊີ​ທີ
ສະຖິຕິ
ວິໃສທັດ,ແຜນຍຸດທະສາດ